Anzemel cun Andeer, Farera, Valragn a Sur, Runtgaglia, Val Stussavgia, Tschupegna a Ziràn-Reschen â igl vaschinadi Muntogna da Schons fundo l’Uniùn Parc natiral Beverin igl on 2009. La fegnamira e da rinfurzar anzemel egn’economeia manada a moda direvla, la promoziùn digl comerzi cun products a survetschs indigens sco ear igl mantegnamaint a la revitalisaziùn da la qualitad da la natira a da la cuntrada.
La visiùn cuminevla digls vaschinadis anturn igl Pez Bavregn e «Igl Parc natiral Beverin – Liac da viver, da cultura, da lavur a recreaziùn cun spiert da pionier – betga me pigl capricorn.
Anzemel creagn nus cun parschuasiùn perspectivas direvlas a vagn quito par las nossas resursas a pigl noss ambiaint.»
Cun la sia savida, igls seas survetschs a cun coordinar s’angascha igl team pigls interess da la regiùn. Ascheia sabasan tut igls projects sen iniziativas da la populaziùn a segls basegns digls
vaschinadis digl Parc natiral.
Parc Natiral Beverin
Center da Capricorns | 7433 Wergenstein
081 650 70 10 | info@naturpark-beverin.ch
www.naturpark-beverin.ch
